Yn ystod yr 20+ mlynedd ddiwethaf, rydym wedi creu newid ystyrlon mewn mwy na 30 o wledydd.
Yn y Deyrnas Unedig yn unig, rydym wedi uno bron i 700 o sefydliadau.
Mae gennym nifer fawr o gytundebau a phartneriaethau rhyngwladol, ac rydym yn gweithio gyda llywodraethau a sefydliadau llywodraethol ledled y byd.
Rydym yn adnabyddus am gyflawni gwerth ac effaith i’n harianwyr gydag enillion sylweddol ar fuddsoddiadau a wneir gyda ni.
Mae gennym hefyd hanes da o rymuso dinasyddion i weithredu – gan greu newid ymddygiad gwirioneddol a chynaliadwy yn y cymunedau yr ydym yn gweithio ynddynt, gyda hwy, ac ar eu cyfer.
Diogelu bwyd ar gyfer y dyfodol
Rydym yn gweithio o’r fferm i’r fforc, gan arwain y gad wrth fynd i’r afael â cholled a gwastraff bwyd, lleihau allyriadau NTG a defnydd dŵr. Mae WRAP yn addasu ac yn cynyddu graddfa ei gytundebau gwirfoddol ar draws diwydiannau – fel y Courtauld Commitment 2030 – yn rhyngwladol, i helpu trawsnewid y system fwyd fyd-eang.
-
Cytundeb gwirfoddol ar wastraff bwyd sy’n flaenllaw ar lefel fyd-eang
Ers 2005, mae ein cytundeb gwirfoddol ar wastraff bwyd yn y Deyrnas Unedig, y Courtauld Commitment, wedi bod yn gatalydd i weithredu ar wastraff bwyd yn y sector cynhyrchu, manwerthu ac ar aelwydydd gan arwain at leihad o 10% mewn gwastraff bwyd yn y Deyrnas Unedig. Dyna bron i 1 miliwn o dunelli o fwyd wedi’i achub.
-
Gwerthu ffrwythau a llysiau’n rhydd
Darganfyddwch sut mae ein hymchwil arloesol ar dynnu deunydd pacio plastig oddi ar ffrwythau a llysiau, newid syml i labeli dyddiadau, a chyngor storio cywir ar gyfer dinasyddion, yn gweithio fel catalydd yn y diwydiant a allai arwain at leihad sylweddol mewn gwastraff bwyd o aelwydydd yn y Deyrnas Unedig.
-
Lleihau gwastraff bwyd yn y gadwyn gyflenwi
Mae mwy na 360 o sefydliadau bwyd a diod wedi cofrestru ar gyfer ein Map Trywydd Lleihau Gwastraff Bwyd. A rhwng 2007 a 2021, mae gwastraff bwyd yn y gadwyn gyflenwi wedi disgyn gan 20.7%.
-
Arwain gweithredu ar ailddosbarthu bwyd
Mae gwaith WRAP gyda busnesau bwyd a sefydliadau ailddosbarthu’r Deyrnas Unedig wedi golygu bod sefydliadau ailddosbarthu wedi derbyn tua 170,000 tunnell o fwyd dros ben rhwng 2015 a 2018, sy’n cyfateb i 400 miliwn o brydau bwyd gwerth mwy na £590 miliwn.
Atal plastigion problemus
Mae gan WRAP hanes profedig o ymdrin â llygredd plastig yn ddi-oed trwy gyfrwng Cytundebau Plastigion. Yn 2018, lansiodd WRAP a’r Ellen MacArthur Foundation yr UK Plastics Pact. Chwe blynedd yn ddiweddarach, mae dwsin o Gytundebau Plastigion mewn 19 o wledydd yn ffurfio rhwydwaith byd-eang gyda hanes profedig o wneud cynnydd tuag at ddileu gwastraff a llygredd plastig. Mae WRAP yn arwain ar roi cymorth gweithredol i’r holl Gytundebau Plastigion yn rhyngwladol.
-
Sbarduno trawsnewid systemig mewn plastigion
Ers bron i 20 mlynedd, mae WRAP wedi bod yn gweithio ar atebion i'r niwed a achosir gan ddeunydd pacio plastig problemus – yn cynnwys ein gwaith arloesol ar blastig wedi'i ailgylchu mewn poteli yn 2004, cau'r ddolen ar ailgylchu poteli llaeth plastig yn 2005, a lansio’r UK Plastics Pact gyda'r Ellen MacArthur Foundation yn 2018.
-
Gweithredu’n fyd-eang i atal plastigion problemus
Mae ein rhwydwaith byd-eang o Gytundebau Plastigion yn sbarduno effaith ar raddfa fawr, gan ddileu biliynau o blastigau problemus, gwella ailddefnyddiadwyedd ac ailgylchadwyedd gan 23%, a rhoi hwb o 44% i gynnwys wedi'i ailgylchu mewn deunydd pacio.
-
Yr UK Plastics Pact arloesol
Mae aelodau’r UK Plastics Pact yn gyfrifol am fwy na 75% o’r holl ddeunydd pacio plastig a roddir ar y farchnad yn y Deyrnas Unedig. Rhwng 2018 a 2022, mae aelodau’r Cytundeb hwn wedi tynnu 730 miliwn o eitemau o blastig untro allan o gylchrediad.
-
Cyllid o filiynau o bunnoedd yn taclo llygredd plastigion yn fyd-eang
Gyda chyllid a ddarparwyd gan Innovate UK, bu WRAP yn gweithio gyda phartneriaid mewn gwledydd i ddosbarthu cyllid a rhannu arbenigedd i gyflymu arloesedd i fynd i’r afael â’r argyfwng llygredd plastig yn India, Chile, De Affrica, Kenya, Mecsico, a Cholombia.
Trawsnewid tecstilau
I gwrdd â thargedau hinsawdd, dŵr a gwastraff byd-eang, rydym yn gweithio i drawsnewid y ffordd y caiff dillad a thecstilau eu cynhyrchu, eu defnyddio a’u gwaredu. Mae cytundeb gwirfoddol WRAP, Textiles 2030, yn uno’r sector o blaid targedau mentrus sy’n seiliedig ar wyddoniaeth. Mae ein hymchwil, canfyddiadau a mentrau yn helpu i lunio dyfodol mwy cynaliadwy i decstilau.
-
Uno o blaid targedau mentrus sy’n seiliedig ar wyddoniaeth
Mae 62% o farchnad ddillad y Deyrnas Unedig nawr wedi cytuno i dargedau uchelgeisiol dan Textiles 2030. Gyda’i gilydd, maent yn gweithredu ym meysydd dylunio ar gyfer ailgylchadwyedd, modelau busnes cylchol, cau’r ddolen ar ddeunyddiau ac annog newid ymddygiad.
-
Gwaith arloesol WRAP ar wydnwch dillad
Mae gwaith WRAP ar wydnwch wedi bod yn arloesi yn y degawd diwethaf. Trwy ein Protocol Hirhoedledd Dillad a’n cydweithio gyda’r Leeds Institute of Textiles and Colour (LITAC) ar y Prosiect Ymchwil Gwydnwch fel rhan o Textiles 2030, rydym wedi trawsnewid dull y diwydiant ffasiwn at ddylunio cynnyrch.
-
Gosod y sylfeini ar gyfer trawsnewid tecstilau
Llwyddodd 90 o frandiau arloesol, manwerthwyr, sefydliadau ailddefnyddio ac ailgylchu, academyddion ac arloeswyr a oedd yn rhan o Sustainable Clothing Action Plan (SCAP 2012-2020) WRAP i sicrhau gostyngiad o 21.6% mewn carbon a gostyngiad o 18.2% mewn dŵr.
-
Taclo cynaliadwyedd dillad ledled Ewrop
ECAP oedd un o’r prosiectau cyntaf a ariannwyd gan EU LIFE i fynd i’r afael â chynaliadwyedd dillad ar draws y gadwyn gyflenwi gyfan. Drwy’r prosiect, arbedwyd 834,000 o dunelli o CO2e a 50 miliwn m3 o ddŵr, ynghyd â 4,670 o dunelli o wastraff wedi’i ddargyfeirio o safleoedd tirlenwi.
Sbarduno’r Economi Gylchol
Mae WRAP yn gweithio i gyflymu’r newid i economi gylchol – gan gadw nwyddau a deunyddiau’n ddefnyddiol am gyfnod hwy, cefnogi arloesedd, mabwysiadu modelau busnes newydd a chynyddu ansawdd a symiau ailgylchu.
Mae mentrau diweddar yn y maes hwn yn cynnwys:
-
Arwain y ffordd yng Nghymru
Mae Cymru nawr yn ail genedl orau’r byd am ei chyfraddau ailgylchu. Gyda’n gilydd, rydym wedi osgoi cannoedd ar filoedd o dunelli o wastraff, gan gynhyrchu cannoedd o swyddi newydd, cynaliadwy.
-
Cynyddu cyfraddau ailgylchu
Drwy’r Traciwr Ailgylchu gan WRAP, gwyddom fod 88% o aelwydydd y Deyrnas Unedig yn ailgylchu’n rheolaidd. Darganfyddwch sut rydym yn newid ymddygiad dinasyddion er mwyn cynyddu cyfraddau ailgylchu drwy ein hymgyrchoedd Ailgylchu Nawr a Bydd Wych.
-
Atebion newid gwasanaeth
Helpodd modelu opsiynau casglu WRAP i swyddogion o Gyngor gogledd-ddwyrain Swydd Lincoln newid i gasgliad bob yn ail wythnos a arweiniodd at leihad o 18% mewn gwastraff gweddilliol ynghyd â chynnydd o 50% mewn ailgylchu sych.
-
Y Gronfa Gweithredu ar Adnoddau
Gyda’r gronfa a ddarparwyd gan Defra, dosbarthodd WRAP £18 miliwn i ddarparu cymorth arbenigol ar draws 296 o sefydliadau ym meysydd bwyd, plastigion, tecstilau a seilwaith gwastraff gan helpu dargyfeirio mwy na 180,871 o dunelli o wastraff a amcangyfrifir ei fod wedi osgoi mwy na 395,228 o dunelli o allyriadau CO2e.
Pori mwy
Join us in leading the change
We believe in the power of working together to create long lasting change.
Work with us as we lead the way to building a more sustainable future.