TRAWSNEWID EIN SYSTEMAU I SBARDUNO’R ECONOMI GYLCHOL
Mae’r ffordd yr ydym yn gwneud ac yn defnyddio ein nwyddau’n cyfrannu’n sylweddol at newid yn yr hinsawdd a cholli bioamrywiaeth, ac mae angen dybryd inni weithredu nawr ar draws cenhedloedd, busnesau a chartrefi.
Mae arnom angen newid yn gyflym o fodel diwydiannol llinol ‘cymryd-gwneud-gwaredu’ y ganrif ddiwethaf.
Ein nod yw sbarduno’r newid i economi gylchol drwy gadw nwyddau a deunyddiau’n ddefnyddiol yn hirach, cefnogi arloesedd, mabwysiadu modelau busnes newydd a chynyddu faint o ddeunydd sy’n cael ei ailddefnyddio neu ei ailgylchu, yn ogystal â lleihau gwastraff a lleihau’r ddibyniaeth ar ddeunyddiau crai.
Camau gweithredu blaenoriaethol ar gyfer sbarduno’r economi gylchol
Hyrwyddo ailddefnyddio ac ailgylchu
Rydym yn hyrwyddo atal gwastraff ac yn cefnogi mentrau sy'n cynyddu ailddefnyddio ac ailgylchu, gan arbed adnoddau gwerthfawr a lleihau ôl troed carbon y cynhyrchion a ddefnyddiwn.
Rydym yn gweithio mewn meysydd lle gwyddom y gallwn wneud y gwahaniaeth mwyaf, gan gydweithio â sefydliadau ledled y byd sydd eisiau gwneud gwahaniaeth.
Gweithredu ar Gyfrifoldeb Estynedig Cynhyrchwyr
Gyda’r cynnydd sydyn mewn defnyddio amrywiaeth eang o nwyddau o amgylch y byd, mae’n angenrheidiol inni fynd i’r afael â gwastraff problemus.
Rydym yn gweithio gyda sefydliadau ledled y byd i ddarparu arweiniad ac arbenigedd ynghylch systemau cyfrifoldeb estynedig cynhyrchwyr (extended producer responsibility/EPR) presennol neu rai posibl ar gyfer amrywiaeth o ffrydiau gwastraff problemus.
Newid i gylcholdeb nwyddau
Er mwyn newid i fodel newydd o ddylunio, gwneud ac ailddefnyddio, mae angen inni newid ein dull o greu a defnyddio nwyddau. Mae angen dull lle caiff nwyddau eu dylunio i leihau effaith amgylcheddol a mwyhau effeithlonrwydd adnoddau.
Mae chwant gan ddinasyddion i brynu nwyddau wedi’u dylunio yn y modd hwn. Mae ein cyfres o Safonau Ffordd Gylchol o Fyw yn darparu ateb i frandiau a gwneuthurwyr wneud y newid hwnnw.
Cefnogi newidiadau rheoli adnoddau, a symbylu arloesedd
Rydym yn helpu llywodraethau cenedlaethol a rhanbarthol ledled y byd i lywio penderfyniadau polisi y gellir eu datblygu i gamau gweithredu sy’n atal gwastraff.
Rydym yn gweithio gyda llywodraethau, cwmnïau rheoli gwastraff a busnesau i wneud eu gwasanaethau gwastraff ac ailgylchu fod ar eu gorau, gan gynnig cymorth technegol wedi’i deilwra i wella ansawdd a symiau ailgylchu yn y Deyrnas Unedig, Unol Daleithiau America, Awstralia a’r Undeb Ewropeaidd.
Cyflawni newid trawsnewidiol
-
Ymgyrchoedd i helpu dinasyddion ailgylchu mwy o’r pethau cywir, yn fwy aml
Nod Ailgylchu Nawr a Cymru yn Ailgylchu yw creu cenhedloedd lle mai ailgylchu yw’r norm ac, ynghyd â’n partneriaid, helpu i greu gwell byd ar gyfer cenedlaethau’r dyfodol.
-
Canolbwyntio ar atgyweirio ac ailddefnyddio i ddatblygu economi gylchol yng Nghymru
Rydym yn gweithio gyda Llywodraeth Cymru i hyrwyddo ‘Diwylliant cyffredinol o Ailddefnyddio ac Ailgylchu’ yng Nghymru, drwy ymgysylltu â rhanddeiliaid, hyrwyddo a rhannu arfer gorau.
-
Gweithio gyda sefydliadau i roi arfer gorau mewn EPR ar waith
Mae WRAP yn meddu ar yr arbenigedd i gynorthwyo rhanddeiliaid ar draws y gadwyn werth EPR. Gallwn ddarparu arweiniad ynghylch systemau EPR presennol neu rai posibl ar gyfer amrywiaeth o ffrydiau gwastraff problemus.
-
Gweithio gyda llywodraethau lleol a chenedlaethol i ddarparu gwasanaethau casglu gwastraff ac ailgylchu o safon
Mae WRAP yn darparu cymorth diduedd, am ddim, i lywodraethau ac awdurdodau ar bynciau fel meincnodi perfformiad, modelu opsiynau a chyfathrebu i gefnogi newid gwasanaeth neu wella casgliadau.
-
Cyflawni Safonau Ffordd Gylchol o Fyw
Mae ein Safonau Ffordd Gylchol o Fyw yn gyfres gynhwysfawr o ardystiadau cynnyrch tryloyw, seiliedig ar wyddoniaeth, wedi’u goleuo gan ddata, i leihau effaith nwyddau ar yr amgylchedd a helpu defnyddwyr wneud penderfyniadau prynu gwybodus.
-
Darparu dadansoddiad o’r farchnad ar gyfer y diwydiant ailgylchu
Mae WRAP yn cynorthwyo gyda gwybodaeth fanwl am y farchnad i’r rhai sy’n prynu neu’n gwerthu deunyddiau wedi’u hailbrosesu ac am y tueddiadau a’r datblygiadau economaidd diweddaraf sy’n wynebu diwydiant ailgylchu’r Deyrnas Unedig.
-
Cefnogi sector cyhoeddus cynaliadwy
Mae WRAP Cymru wedi bod yn darparu cymorth caffael cynaliadwy am ddim i sefydliadau’r sector cyhoeddus yng Nghymru ers 2016, gyda’r nod o wreiddio cynaliadwyedd ac egwyddorion carbon isel mewn strategaethau a gweithgareddau caffael.
-
Cyllid ar gyfer gweithredu ac arloesi
Mae WRAP yn dylunio ac yn rheoli grantiau, benthyciadau a chyllid cyfunol i helpu i atal gwastraff, a chynyddu effeithlonrwydd adnoddau a deunyddiau. Rydym yn darparu amrywiaeth o offerynnau ariannu, o grantiau cyfalaf mawr i gystadlaethau a sbardunau arloesi.
Cynnydd ac effaith
-
Arolwg Traciwr Ailgylchu
Drwy’r Traciwr Ailgylchu gan WRAP, gwyddom fod 88% o aelwydydd y Deyrnas Unedig yn ailgylchu’n rheolaidd. Mae hyn yn destament i’r ffocws a’r buddsoddiad gan frand WRAP ar gyfer dinasyddion, Ailgylchu Nawr a’i bartneriaid ar hyd y blynyddoedd.
-
Diwylliant Cyffredinol o Atgyweirio ac Ailddefnyddio yng Nghymru
Mae ‘Strategaeth Mwy nag Ailgylchu’ yng Nghymru’n anelu at “ddiwylliant cyffredinol o ailddefnyddio, atgyweirio ac ailgynhyrchu o fewn ein cymunedau a chanol ein trefi”. Comisiynodd Llywodraeth Cymru WRAP i ymchwilio a chynhyrchu set o gamau gweithredu y mae eu hangen er mwyn symud tuag at y nod hwn.
-
Lluosogiad systemau EPR Tecstilau
Disgwylir i’r nifer o systemau EPR ar gyfer tecstilau newid yn gyflym yn ystod y degawd nesaf. Mae’r adroddiad hwn yn rhoi crynodeb o pam mae angen systemau EPR ar gyfer tecstilau yn fyd-eang a lluosogiad systemau EPR tecstilau gweithredol neu rai newydd.
-
Gwaith modelu i gefnogi achos busnes i awdurdod lleol
Fe wnaeth gwaith modelu a wnaed gan WRAP helpu swyddogion o Gyngor Gogledd Ddwyrain Swydd Lincoln i ddatblygu achos busnes i newid i gasgliadau bob yn ail wythnos. Yn ogystal ag arbedion ariannol, arweiniodd hyn at ostyngiad o 18% mewn gwastraff gweddilliol a chynnydd o 50% mewn ailgylchu sych.
Sbarduno newid trawsnewidiol mewn:
Ymunwch â ni i arwain y newid
Gyda’n gilydd, gallwn wneud Ffordd Gylchol o Fyw yn realiti.
Cysylltu â ni