Corff gweithredu amgylcheddol anllywodraethol yw WRAP, sy’n gweithio’n fyd-eang i drawsnewid ein systemau nwyddau a bwyd diffygiol i greu Ffordd Gylchol o Fyw er budd hinsawdd, natur a phobl.
Mae’r hen ddull o ‘gymryd, gwneud, gwaredu’ yn brif achos o anghydraddoldeb, allyriadau nwyon tŷ gwydr a’r mynyddoedd o wastraff sy’n llygru ein dŵr ac yn dinistrio bioamrywiaeth.
Mae bwyd, tecstilau, a nwyddau wedi’u gweithgynhyrchu’n cyfrif am bron i 50% o allyriadau nwyon tŷ gwydr yn fyd-eang. Rydym yn cynnig ffordd newydd o wneud pethau. Trwy archwilio heriau cynaliadwyedd drwy lens bywydau beunyddiol pobl, rydym yn dylunio atebion trawsnewidiol. Rydyn ni’n galw hyn yn Ffordd Gylchol o Fyw.
Corff anllywodraethol ydym ni sydd wedi’i seilio ar arbenigedd dechnegol, sylfaen o dystiolaeth ddiduedd a phŵer ymgynnull annibynnol. Am dros ugain mlynedd, mae WRAP wedi cyflawni rhaglenni er budd yr amgylchedd – o leihau allyriadau CO2 a gwastraff i adfer natur a gwella bywydau pobl.
Mae WRAP o blaid y rhai sy’n gwneud. Credwn mewn cyflawni effaith drwy dynnu pobl ynghyd a harneisio pŵer busnesau, cyrff anllywodraethol a llywodraethau i greu’r newidiadau systemig y mae angen dybryd amdanynt ar ein planed a’n cymunedau.
“Mae WRAP wedi creu enw da am feithrin partneriaethau cydweithredol sy’n sbarduno newid ledled y byd. Byddwn yn uno partneriaid mewn rhwydwaith a rennir er mwyn manteisio ar arfer gorau a sbarduno’r gwaith o’i gyflawni.”
Lle’r ydym yn gweithio
Mae ein gwreiddiau a chyfran sylweddol o’n gwaith yn digwydd yn y Deyrnas Unedig, lle cawsom ein sefydlu yn 2000.
Mae gennym brosiectau ar y gweill ac rydym yn cydweithredu’n weithredol â phartneriaid ym mhedwar ban byd o Dde Affrica i Mecsico, ac o Indonesia i’r UDA.
Mae gennym swyddfeydd yn Llundain, Washington, DC, ac Adelaide.
Mae’r ôl troed a’r cysylltiadau gennym o amgylch y byd i gyflawni ar lefel fyd-eang.
Ein heffaith
-
Trawsnewid systemau bwyd y byd
Rydym yn newid y ffordd y caiff bwyd ei gynhyrchu a’i fwyta – gan leihau’r costau i’r amgylchedd, i fusnesau ac i bobl.
-
Trawsnewid systemau plastigion y byd
Rydym yn ail ddylunio system plastigion, ar hyd y gadwyn werth – gan atal gwastraff a chadw’r deunydd allan o’r amgylchedd.
-
Trawsnewid systemau tecstilau’r byd
Rydym yn trawsnewid y ffordd y caiff tecstilau eu gwneud, eu prynu a’u defnyddio – gan leihau allyriadau, lleihau’r defnydd o ddŵr a lleihau llygredd.
-
Trawsnewid ein systemau i sbarduno’r economi gylchol
Rydym yn arwain y byd oddi wrth ddiwylliant ‘cymryd-gwneud-gwaredu’ i ddull ‘dylunio-gwneud-ailddefnyddio’ – gan arwain at leihad radical mewn gwastraff ac allyriadau carbon o nwyddau beunyddiol.