Mae’r hen ddull o gymryd-gwneud-gwaredu yn brif achos o anghydraddoldeb, nwyon tŷ gwydr a’r mynyddoedd o wastraff sy’n llygru ein dŵr ac yn dinistrio bioamrywiaeth.
Mae angen dull newydd ar gyfer bwyd, tecstilau a nwyddau wedi’u gweithgynhyrchu – sydd, gyda’i gilydd, yn cyfrif am bron i 50% o allyriadau nwyon tŷ gwydr yn fyd-eang.
Galwn y dull hwn yn Ffordd Gylchol o Fyw – dylunio-gwneud-ailddefnyddio – a bydd yn arwain at leihad radical mewn gwastraff ac allyriadau carbon o nwyddau beunyddiol.
Gydag arbenigedd technegol, sylfaen o dystiolaeth ddiduedd, a grym ymgynnull annibynnol, mae WRAP mewn sefyllfa ddelfrydol i wneud Ffordd Gylchol o Fyw yn realiti.
Ers dros ugain mlynedd, mae WRAP wedi bod yn cyflawni rhaglenni sy’n lleihau CO2 a gwastraff, yn adfer natur, ac yn newid ymddygiad pobl.
Ein blaenoriaethau
Mae’r bwyd, tecstilau a nwyddau wedi’u gweithgynhyrchu a ddefnyddiwn bob dydd yn dod o systemau cymryd-gwneud-gwaredu anghynaliadwy.
Mae angen inni drawsnewid y systemau diffygiol hyn.
-
Diogelu bwyd ar gyfer y dyfodol
Rydym yn newid y ffordd y caiff bwyd ei gynhyrchu a’i fwyta – gan leihau’r costau i’r amgylchedd, i fusnesau ac i bobl.
-
Atal plastigion problemus
Rydym yn ail ddylunio system plastigion, ar hyd y gadwyn werth – gan atal gwastraff a chadw’r deunydd allan o’r amgylchedd.
-
Trawsnewid tecstilau
Rydym yn trawsnewid y ffordd y caiff tecstilau eu gwneud, eu prynu a’u defnyddio – gan leihau allyriadau, lleihau’r defnydd o ddŵr a lleihau llygredd.
-
Sbarduno’r Economi Gylchol
Rydym yn arwain y byd oddi wrth ddiwylliant ‘cymryd-gwneud-gwaredu’ i ddull ‘dylunio-gwneud-ailddefnyddio’ – gan arwain at leihad radical mewn gwastraff ac allyriadau carbon o nwyddau beunyddiol.
Ein gwasanaethau
Mae cydweithio’n allweddol ar gyfer sbarduno newid effeithiol. Mae WRAP o blaid y rhai sy’n gwneud, yn tynnu busnesau, cyrff anllywodraethol a llywodraethau ynghyd i greu’r newid systemig y mae angen dybryd amdano ar ein planed a’n cymunedau.
Mae llywodraethau, busnesau, sefydliadau amlochrog a chyrff anllywodraethol ledled y byd yn ymddiried yn ein cyngor.
-
Newid ymddygiad
-
Ardystiad a safonau
-
Cydweithio a gweithredu ar y cyd
-
Cyllid ar gyfer gweithredu ac arloesi
-
Dylunio a gweithredu polisïau
-
Atebion technegol ac ymgynghoriaeth
Cipolwg ar ein gwaith
Mae ein hastudiaethau achos yn rhoi darlun o rywfaint o’r gwaith rydym wedi’i wneud er lles yr hinsawdd, natur a phobl. Gallwch ddarllen manylion yr effaith rydym wedi’i chael drwy ein mentrau, ein cydweithio a’n hadnoddau.
Ein heffaith yn fyd-eang
Yn ystod yr 20+ mlynedd ddiwethaf, rydym wedi creu newid ystyrlon mewn mwy na 40 o wledydd. Yn y Deyrnas Unedig yn unig, rydym wedi uno bron i 700 o sefydliadau. Mae gennym nifer fawr o gytundebau a phartneriaethau rhyngwladol, ac rydym yn gweithio gyda llywodraethau a sefydliadau llywodraethol ledled y byd.
Pori mwy
Ymunwch â ni i arwain y newid
Credwn ym mhŵer gweithio gyda’n gilydd i greu newid hirhoedlog.
Gweithiwch gyda ni wrth inni arwain y ffordd tuag at greu dyfodol mwy cynaliadwy.