TRAWSNEWID SYSTEM TECSTILAU’R BYD
Mae’r sector tecstilau yn gyfrannwr sylweddol i’r economi fyd-eang. Mae’n rhan o wead cymdeithas, yn darparu bywoliaeth i filiynau o bobl o amgylch y byd.
Ond, yn fyd-eang, mae cynhyrchu a defnyddio tecstilau’n parhau i gynyddu, wedi’i sbarduno gan ein model ‘cymryd, gwneud, defnyddio a gwaredu’ presennol. Mae systemau sy’n sylfaen i’r diwydiant yn defnyddio llawer o adnoddau mwyaf gwerthfawr y byd mewn modd anghynaliadwy, gan ecsbloetio pobl a natur ill dau yn ei sgil.
Mae gan WRAP weledigaeth ar gyfer gwneud pethau’n wahanol.
Rydym yn creu economi gylchol ar gyfer tecstilau er mwyn trawsnewid y ffordd y caiff nwyddau eu prynu, eu defnyddio, a’u hailddefnyddio. Rydym yn lleihau allyriadau nwyon tŷ gwydr, yn lleihau defnydd dŵr ac yn taclo gwastraff tecstilau, fel rhan o drawsnewid cymdeithasol gyfiawn.
Gan weithio gydag arweinwyr y diwydiant yn y Deyrnas Unedig ac yn fyd-eang i ddatblygu, rhannu, a chynyddu graddfa arferion a pholisïau newydd, rydym yn herio’r status quo ac yn helpu’r diwydiant gynnal eu busnes yn well. Ymunwch â ni.
Priority actions for transforming textiles
Camau gweithredu blaenoriaethol ar gyfer trawsnewid tecstilau
Dylunio cylchol ar gyfer ffasiwn a thecstilau
Mae WRAP yn gweithio gyda busnesau i roi dillad a thecstilau’r cartref ar y farchnad sy’n cael llai o effaith, drwy eu cynorthwyo i ddylunio nwyddau sy’n wydn, wedi’u gwneud o ddeunyddiau diogel ac effaith isel, ac y gellir eu hail-wneud neu eu hailgylchu ar ddiwedd eu hoes.
Modelau busnes cylchol ar gyfer ffasiwn a thecstilau
Mae WRAP yn cynorthwyo busnesau drwy brosiectau, partneriaethau, ac adnoddau strategol i roi modelau busnes newydd ar waith sydd wedi’u dylunio i ymestyn hyd oes nwyddau ac sy’n galluogi cwmnïau i greu refeniw o ailddefnyddio yn hytrach nag o werthu nwyddau newydd.
Cau’r ddolen ar ddeunyddiau
Mae WRAP yn cydweithio â’r diwydiant i wella a chynyddu graddfa seilwaith didoli ac ailgylchu, a chynyddu’r galw am gynnwys eilgylch, gan sicrhau bod mwy o’n dillad a’n tecstilau yn cael eu hailgylchu’n nwyddau tecstil newydd pan fyddant yn cyrraedd diwedd eu hoes ddefnyddiol.
Sbarduno newid ymddygiad defnyddwyr mewn ffasiwn a thecstilau
Mae WRAP yn cynnig dirnadaethau a negeseuon gwerthfawr i fusnesau ar sut mae dinasyddion yn prynu, defnyddio, a gwaredu dillad a thecstilau’r cartref, gan eu helpu i ddeall ymddygiad defnyddwyr a chyfathrebu’n effeithiol â chwsmeriaid i annog arferion mwy cynaliadwy.
Cefnogi dylunio polisïau tecstilau a’u rhoi ar waith
Mae WRAP yn darparu tystiolaeth a dirnadaethau i gynorthwyo llunwyr polisïau i ddylunio ymyriadau polisi i leihau effaith amgylcheddol tecstilau. Ar ben hynny, mae WRAP yn cynorthwyo busnesau i baratoi ar gyfer y mesurau polisi hyn a chydymffurfio â nhw unwaith y cânt eu rhoi ar waith.
Mesur ôl-troed amgylcheddol ffasiwn a thecstilau
Mae WRAP yn cynorthwyo busnesau gyda’u hadrodd amgylcheddol drwy fynediad ecsgliwsif i’r Offeryn Ôl-troed, sy’n eu galluogi i fesur effaith gyfansymiol y nwyddau tecstil y maent yn eu gwerthu, olrhain a rhagweld effaith camau cylchol, a mesur cynnydd tuag at dargedau ESG.
Cyflawni newid trawsnewidiol
-
Textiles 2030
Textiles 2030 yw menter wirfoddol flaenaf y Deyrnas Unedig i gynorthwyo busnesau a sefydliadau yn y diwydiant ffasiwn a thecstilau i drawsnewid i arferion mwy cynaliadwy a cylchol erbyn diwedd y degawd.
-
Y Textiles Action Network
Mae'r Textiles Action Network yn uno mentrau tecstilau cenedlaethol a rhanbarthol ledled y byd i gyfnewid gwybodaeth, rhannu atebion, a gweithio ar y cyd tuag at amcan byd-eang o greu economi gylchol ar gyfer ffasiwn a thecstilau.
-
Prosiect Ymchwil ar Wydnwch
Mae WRAP yn arwain ar brosiect ymchwil tair blynedd gyda’r Leeds Institute of Textiles and Colour i ddatblygu protocolau gwydnwch wedi’u diweddaru ar gyfer dillad a thecstilau a’r meincnodau gwydnwch a defnyddio cyntaf o’u math yn y diwydiant.
-
Automatic-sorting for Circularity in Textiles (ACT UK)
Mae WRAP yn gweithio fel rhan o gonsortiwm i ddatblygu a threialu safle didoli a rhag-brosesu cwbl integredig ac awtomataidd cyntaf y byd ar gyfer tecstilau na ellir eu hailddefnyddio yn y Deyrnas Unedig.
Cynnydd ac effaith
Hyd yma, mae WRAP wedi helpu’r diwydiant tecstilau osgoi 3.2 miliwn o dunelli o allyriadau CO2eq.
-
Adroddiad Cynnydd Blynyddol Textiles 2030
Drwy Textiles 2030, y genhadaeth a rannwn yw bod yn gatalydd i drawsnewidiad y diwydiant ffasiwn a thecstilau o un llinol i un cylchol. Mewn ychydig dros flwyddyn a hanner, mae mwy na 110 o fusnesau a sefydliadau, yn cynrychioli mwy na 62% o’r holl nwyddau dillad a roddir ar y farchnad yn y Deyrnas Unedig, wedi cofrestru i ddod ar y daith hon gyda ni.
-
Adroddiad cryno’r European Clothing Action Plan (ECAP)
Mae'r adroddiad cryno hwn yn archwilio cyflawniadau'r prosiect pedair blynedd ECAP (European Clothing Action Plan), a ariennir yn rhannol gan EU LIFE. Mae’n cyfeirio at adnoddau gwerthfawr yn cynnwys canllawiau newydd, papurau gwyn a gwersi allweddol sydd ar gael i ysbrydoli a llywio unrhyw fusnes neu lywodraeth, mewn unrhyw wlad.
-
Adroddiad effaith y Sustainable Clothing Action Plan (SCAP)
Nod ymrwymiad SCAP oedd creu lleihad radical yn effaith carbon, dŵr a gwastraff y diwydiant dillad a thecstilau yn y Deyrnas Unedig. Mae’r adroddiad hwn yn dangos y camau gweithredu a gymerwyd gan lofnodwyr i gyflawni’r targedau, mae’n rhannu astudiaethau achos ac arfer gorau, ac mae’n tynnu sylw at y gwersi sy’n cael eu dwyn ymlaen i’r bennod nesaf; y cynllun mwy a mwy uchelgeisiol, Textiles 2030.
Sbarduno newid trawsnewidiol mewn:
Ymunwch â ni i arwain y newid
Gyda’n gilydd, gallwn wneud Ffordd Gylchol o Fyw yn realiti.
Cysylltu â ni